| Сонна-туманная раніца |
Сонна-туманная раніца
Гарадскі цынамонавы пах.
Шлейф паветра.Табе падабаецца?
Пойдзем разам на шыферны дах?
Лепш адна.І навошта пытанні?
Калакольныя звоны ў скронь
Учарашнім забытым змярканнем.
З ранку- кава з радзімых далонь.
Але
Ты заўжды пакідаеш сняданне.
Каму? І навошта?Дурная прывычка!
Разбітыя дні мімалётным спатканнем.
Злавіла рукамі апошнюю знічку.
Дзве зімы прайшло. І сустрэліся.
Усё бягом. На ляту, на хаду.
Цётка-памяць кальнула пад рэбрамі.
У аўторак прэм”ера? Прыйду.
Але
Нехта пагасіў начны ліхтар.
Па праспекце-рэдкія машыны.
Я найлепш за ўсё прысню твой твар
З водарам іланга і шыпшыны.
Ты танцуеш. А цяпла так мала.
Сон ахрышчаны начной смугой.
А я таксама дзесьці танцавала.
І ведаеш, на шчасце не з табой. |
|
Данные на странице изменялись 03.04.2013.
Участник зарегистрирован 03.04.2013. Просмотров страницы участника: 6048.
|
|
|
|
|
|
